ძველი საიდუმლო სამხედრო აეროფოტოსურათები არქეოლოგიური ობიექტების იდენტიფიცირებაში გვეხმარება

1964 წელს CORONA-ს პროგრამის ფარგლებში გადაღებული საიდუმლო ამერიკული სამხედრო აეროფოტოსურათები, 1973 წლის ანალოგიური საბჭოთა სამხედრო აეროგადაღების მასალები და Google Earth-ის ყველაზე ადრეული, 2003 წლის მონაცემები უნიკალურ შესაძლებლობას გვაძლევს დავადგინოთ, თუ როგორ შეიცვალა სოფელ ძველის არქეოლოგიური ლანდშაფტი გასული საუკუნის განმავლობაში სამშენებლო და სასოფლო-სამეურნეო საქმიანობის შედეგად. ეს მონაცემები ასევე საშუალებას გვაძლევს გამოვავლინოთ არქეოლოგიური ძეგლები და ობიექტები, რომლებიც დღეს უკვე აღარ იკითხება ადგილზე ან სრულად არის განადგურებული და დაკარგული.